Business Blockbuster - Helpng business to be more visible on Google

Daily Bulletin

Ngā āhuatanga ka akona mai ki a tātou e te ao Māori, mō te ao pakihi o āpōpō

  • Written by: Ben Walker, Lecturer (Management), Te Herenga Waka — Victoria University of Wellington
Ngā āhuatanga ka akona mai ki a tātou e te ao Māori, mō te ao pakihi o āpōpō

Mai i te ētita: Nā Piripi Walker i whakamāori tēnei tuhinga mō Te Wiki o te Reo Māori. Pāwhiria ki konei hei pānui i tēnei tuhinga ki te reo Pākeha.

Ki te hīkoi koe ki roto i tētahi rūma poari, kura pakihi rānei, ka rongo koe i ētahi ingoa, hoki atu, hoki atu, e whakatairangatia ana: Ko Apple tērā, Tesla tērā, ko Google tērā, arā atu, arā atu. Kei hea ngā ingoa nunui, me ngā kōrero whakaharikoa mai i te ao Māori? Kāore i te rahi rawa.

He mea pōuri. Arā te tini o ngā kamupene Māori hei akoranga mō tātou i roto i ā tātou mahi whakahaere, whakapakari hinonga, kia toitū te āhua, kia nui ngā hua mō te motu katoa — he whāinga ēnei kāore i tutuki i te huhua o ngā kamupene o te ao arumoni.

He tini ngā māramatanga mō te whakahaere auaha, whakahaere toitū kua tuia ki roto i ngā tātai kōrero o te ao Māori — mai i a Kupe me te toronga mai o tana tira i te kitenga tuatahi o Aotearoa e 800 tau ki mua, tae atu ki ētahi mahi o ēnei ngahuru tau tata hei whakaora i te reo, te whawhai mō te whenua me te tiaki wāhi tapu.

Me kī, e toru pea ngā mātāpono whakahaere hei whakakapi i ēnei māramatanga. E mea ana mātou ka noho ēnei hei kaupapa e ara pūputu anō i roto i ngā kōrero pakihi whakaharikoa ā ngā rā e tū mai nei.

Me hāpai tautuhitanga whānui kē atu o tēnei mea te ekenga taumata pakihi

Tētahi āhuatanga e kitea nuitia ana i roto i ngā whakahaere Māori, ka tere kitea hoki i roto i ā rātou mahere rautaki, ko te aro nui ki te whai i ngā painga huhua, kaua ko ngā painga ahumoni anake.

I ēnei rā hoki, e kī ana ngā kamupene nui whakaharahara, ko te toitū me ētahi whāinga ehara i te ahumoni tētahi uara nui ki a rātou. Ahakoa ēnā whakapuakanga a ngā kamupene nei, e ai ki te titiro a te nuinga o te tangata, kāore anō ngā whāinga taketake o aua kamupene kia huri ki āhua kē — e noho tonu ana ko te whai kia hua ake he hua moni mā te hunga pupuru pānga, te whāinga nui.

Kāore e pēnei mō te tino nuinga o ngā hinonga Māori, ki a rātou ko ngā pānga ā-hapori, ā-taiao, ā-ahurea kei te pū tonu o ā rātou mahi. He āhuatanga tēnei e mōhiotia ana i te ao Māori, nā te mea, ka noho ēnei uara i waenga pū o te ahurea.

Ka kitea te whakaaro nui ki te hapori, ki te taiao hoki i te ao Māori katoa, mai i ngā pakiwaitara o tua whakarere, ki ngā karakia ka tākina i mua i ngā āhuatanga nunui.

He mea taketake hoki ngā whakaaro whakapūmau i te hapori, i te taiao i roto i ngā tikanga, te pūnaha o ngā uara me ngā mahi ka noho hei wāhi mō tō tātou āhua noho.

Ehara i te mea ka wareware ngā umanga Māori ki ngā āhuatanga o te nuinga o te ao mō te ine i te ekenga taumata. Me kī, ko te ōhanga Māori te wāhanga hohoro rawa ki te tupu o te ōhanga katoa o Aotearoa, ina tirohia te taha ahumoni anake.

Otiia, ko tā te nuinga o ngā kamupene o te ao he aru i te huamoni, ko tā ngā kamupene Māori (me kī, ngā umanga iwi taketake huri noa i te ao), he ara, he pou tēnei mea te mahi moni hei whakapūmau i ētahi atu ekenga taumata tiketike kē atu: te oranga o te iwi, te whāinga reo i waenga i ngā iwi o te whenua o te ao, me te toitū o te taiao.

Te titiro whakamua ki ngā whakatupuranga kāore anō kia whānau mai

Tētahi, ko te mahi a te whakahaere Māori he titiro whakamua ki tua atu i ngā pae tūtata, i mua anō i tāna whakatau take nunui.

I ngā kaporeihana e mōhio nuitia ana, ka aro nui ngā kaiwhakahaere ki ngā putanga hua hauwhā tau, ki ngā hua ā-tau rānei. Ko tā ngā whakahaere Māori he āta whiriwhiri kaupapa mō ngā hua ka puta mā ngā whakatupuranga kei mua i te aroaro, hei ngā ngahuru tau, ngā rau tau hoki kei mua.

Hei tauira, i te tau 1975, i hangaia tahitia e Ngāti Raukawa, e Ngāti Toa me Te Atiawa tāna mahere 25 tau te roa, e mōhiotia nei ko Whakatupuranga Rua Mano. Tētahi o ngā hua o tēnei rautaki ko Te Wānanga o Raukawa, he wānanga tēnei mō ngā akoranga aro ki te ao Māori, kātahi anō he wānanga pēnei ka whakatūria i te ao hou.

I ēnei tau tata, kua tīmata te mahi a te Kaporeihana o Wakatū i tāna mahere rautaki neke atu i te 50 te whāroa. E mea ana a Rachel Taulelei, tumuaki o te kamupene kai, inu hoki a Wakatū e mōhiotia nei ko Kono, e mahi ana te kamupene i raro anō i āna tirohanga 500 tau i roto i ana mahi whakamahere.

Ko tētahi take nui i pēnei ai te roa o te toronga whakaaro o ngā whakahaere Māori ko te whakapapa. Kei runga noa atu te whakapapa i ngā kāwei whakaheke noa iho o te tangata, i te ao Māori. He uara, he āhuatanga noho, ehara au i te tangata takitahi, engari he hononga, he uri nā ōku tūpuna, heke mai ki ahau, ā, heke atu ana ki ngā whakatupuranga o āpōpō.

Ngā hononga ki te hapori

Hei kupu whakamutunga, whakatairanga ai tēnei mea te umanga Māori i tōna hapori hei pūtahi mō ngā whakaaro o ngā whakahaere. Ka whakaatatia tēnei i roto i te āhua o tā rātou waihanga, whakahaere hoki i ā rātou mahi hautū.

Hei tauira, he mea tohu ngā mema poari o ngā kāporeihana nunui (te hunga kawe haepapa mō te ahunga o te ihu o te waka o te hinonga) e ētahi mema o nāianei, nā tō rātou matatau ki ao pakihi. Hei ngā whakahaere Māori, he mea pōti kē ngā poari i runga anō i te pōti o ngā mema katoa o tō rātou hapori.

Nā konei, he matahuhua ngā poari o ngā whakahaere Māori, te matatau, ngā whakaaro, huri noa i te tēpu.

Ko te mea nui pea, ka rangona ngā reo me ngā whakaaro o te hapori i ngā whakatau hira a te hinonga, nā te pōtitanga o ngā mema poari e te hapori.

Hei tauira anō, ko tētahi o ngā whakahaere Māori e mōhiotia ana e mātou kua kawea kētia āna mahi taketake kia hora whare pāpori, nā te kore whare tōtika mō te tini o te tangata o te hapori.

He mea ātaahua te huringa o ngā whakaaro o Aotearoa i ēnei tau tata ki tōna taha Māori. Ahakoa he maha ngā mahi kāore anō kia tutuki, kua huri ngā whakaaro, kua huri hoki ngā ngākau o ngā tāngata o Aotearoa mō te painga o te ako i te reo me te whakamiha atu ki ngā toi Māori.

He akoranga nui ngā whakaaro Māori mō te pakihi, mō te whakahaere, mā tātou. Mā ōna ara whakatika i te korenga e ōrite o te whiwhinga, me te panonitanga āhuarangi, ka āwhina te ao Māori i a tātou katoa kia piki anō te pai o ō tātou umanga.

Authors: Ben Walker, Lecturer (Management), Te Herenga Waka — Victoria University of Wellington

Read more https://theconversation.com/nga-ahuatanga-ka-akona-mai-ki-a-tatou-e-te-ao-maori-mo-te-ao-pakihi-o-apopo-167635

Business News

The Growing Demand for Durable Plastic Packaging Supplies Across Australia

Why Do Australian Businesses Need Reliable Plastic Packaging Supplies? Businesses need packaging that can withstand everyday handling, storage, and distribution without creating avoidable delays. Pla...

Daily Bulletin - avatar Daily Bulletin

Office Cleaning Melbourne: Choosing the Right Scope for Your Office

A well-planned office cleaning Melbourne arrangement starts with a clear understanding of the premises and the people who use it. An office may include private work areas, shared desks, reception, mee...

Daily Bulletin - avatar Daily Bulletin

How Businesses Can Prepare for Unexpected Power Outages

Power failures can occur quickly. The supply may be interrupted by bad weather, issues with the electricity network, damaged equipment or local construction work. This can be just a hassle for a fam...

Daily Bulletin - avatar Daily Bulletin

How Chatswood Tutoring Can Fit Into a Student’s Weekly Routine

Create a Predictable Weekly Structure A consistent weekly routine can make study easier to manage when students are balancing several subjects. Chatswood tutoring can provide a fixed learning point a...

Daily Bulletin - avatar Daily Bulletin

The Rise of Digital Marketplaces in the Australian Trade Sector

For decades, the Australian trade and construction sector operated almost entirely on word-of-mouth recommendations and local community networks. Small business owners typically relied on local newspa...

Daily Bulletin - avatar Daily Bulletin

How Immigration Lawyers Can Help

Introduction Visa decisions can shape employment, family life, study plans, travel, and future residence. A small omission can lead to delay, added expense, or refusal. Immigration lawyers assess l...

Daily Bulletin - avatar Daily Bulletin

How Industrial Drying Equipment Supports Efficient Processing

Many industrial processes require moisture to be removed from compressed air, products or process materials before they move to the next stage. Excess moisture can affect equipment performance, produc...

Daily Bulletin - avatar Daily Bulletin

Practical Ways a Whiteboard Can Improve Workplace Communication

Effective communication helps teams stay organised, share ideas and keep track of important information. While digital tools are now common in many workplaces, a whiteboard continues to provide a simp...

Daily Bulletin - avatar Daily Bulletin

Designing Eco-Friendly Custom Water Bottles for Your Next Event

The Evolution of Sustainable Event Merchandise Event planning has undergone a massive transformation over the last decade. Gone are the days when organizers could hand out cheap, single use plastic...

Daily Bulletin - avatar Daily Bulletin

The Daily Magazine

How Australian Drivers Can Make Their Cars Harder to Steal

Most people don't think much about car theft until it happens to them, or to someone they know. Th...

The Short-Term Rental Rules Australian Owners Can’t Afford to Guess At

A holiday let looks simple from the outside: a spare property, a listing, some guests. Underneath ...

The Risks Of Removing Ear Wax Without Professional Guidance

Ear wax is an essential component of the hygiene process since it acts as a barrier between the ea...

Plumbing Call-Out Fees in Perth Explained

When you hire a plumber to fix a problem with a dripping tap, leaking pipe, or whatever it might be...

Workshop Tool Maintenance: A Practical Guide to Drills, Sanders and Table Saws

A drill that strips every screw head. A sander that leaves swirl marks however long you work the pan...

How Architecture and Engineering Firms Can Improve Project Profitability

Project profitability remains one of the most persistent challenges for architecture and engineering...

The Blossoming World of Fresh Flower Delivery: An In-Depth Exploration

In recent years, the demand for fresh flower delivery in Sydney has soared, driven in part by the ...

How Penrith SMEs Can Keep Stock and Equipment Working for the Business

For Penrith SMEs in 2026, efficient inventory starts with reliable stock data: what is on hand, wher...

Cybersecurity Services and Solutions for Complete Digital Protection

Businesses leverage Cybersecurity solutions for protection against digital threats of the modern era...